38
ദുബായ് : രാത്രികാലങ്ങളിൽ ദുബായിലെ തെരുവുകളിലൂടെ തനിച്ചു നടക്കാൻ നിങ്ങൾക്ക് ഭയമുണ്ടോ? ഇല്ലെന്നാണ് ഭൂരിഭാഗം പേരുടെയും മറുപടി. ദുബായിലെ ജനങ്ങളിൽ 99 ശതമാനം പേരും രാത്രി സമയങ്ങളിൽ പൂർണ്ണ സുരക്ഷിതരായാണ് ജീവിക്കുന്നതെന്ന് പുതിയ സർവേ ഫലം വ്യക്തമാക്കുന്നു. യുഎഇ ആഭ്യന്തര മന്ത്രാലയത്തിന്റെ സഹകരണത്തോടെ ഫെഡറൽ കോംപറ്റിറ്റീവ്നസ് ആൻഡ് സ്റ്റാറ്റിസ്റ്റിക്സ് സെന്റർ നടത്തിയ ഔദ്യോഗിക സർവേയിലാണ് ലോകത്തിന് തന്നെ മാതൃകയായ ഈ സുരക്ഷാ നേട്ടം വ്യക്തമാക്കുന്നത്. പൊതുജനങ്ങൾക്ക് ഭയമില്ലാതെ ജീവിക്കാനും സഞ്ചരിക്കാനുമുള്ള സാഹചര്യം ഒരുക്കുന്നതിൽ ദുബായ് ലോക നഗരങ്ങളുടെ മുൻപന്തിയിലാണെന്ന് ഈ സർവേ അടിവരയിടുന്നു.