ഷാർജ-ദുബായ് റോഡുകളിൽ വാഹനങ്ങളുടെ നീണ്ട നിര; ഓഫീസിലേക്ക് പോകുന്നവർ ശ്രദ്ധിക്കുക

ദുബായ് : രാവിലെ ഓഫീസുകളിലേക്കും മറ്റ് ആവശ്യങ്ങൾക്കുമായി ഇറങ്ങുന്നവരെ ബുദ്ധിമുട്ടിച്ച് ദുബായിലെ പ്രധാന പാതകളിൽ കനത്ത ഗതാഗതക്കുരുക്ക്. ഷാർജയിൽ നിന്നും ദുബായിലേക്ക് പ്രവേശിക്കുന്ന പ്രധാന റോഡുകളിലാണ് വാഹനങ്ങളുടെ വലിയ തിരക്ക് അനുഭവപ്പെടുന്നത്.
ഷെയ്ഖ് സായിദ് റോഡിൽ (E11) അൽ നഹ്ദ മുതൽ അബു ഹൈൽ വരെയും ട്രേഡ് സെന്റർ റൗണ്ട് എബൗട്ടിലും വാഹനങ്ങൾ സാവധാനത്തിലാണ് നീങ്ങുന്നത്. അൽ ഖൈൽ റോഡിൽ (E44) റാസ് അൽ ഖോർ, മെയ്ദാൻ, ദുബായ് ഹിൽസ് ഭാഗങ്ങളിലും ഗതാഗതം സ്ലോയാണ്. ഷെയ്ഖ് മുഹമ്മദ് ബിൻ സായിദ് റോഡിൽ (E311) മിർദിഫ് ഭാഗത്ത് കനത്ത തിരക്കുണ്ട്. അതേസമയം, എമിറേറ്റ്സ് റോഡിൽ (E611) ഗതാഗതം താരതമ്യേന സുഗമമാണ്. ഈ റൂട്ടുകളിൽ യാത്ര ചെയ്യുന്നവർ കൂടുതൽ സമയം കണക്കാക്കി ഇറങ്ങണമെന്നും സുരക്ഷിത അകലം പാലിക്കണമെന്നും അധികൃതർ നിർദ്ദേശിച്ചു.