യുഎഇയിൽ സ്വർണ്ണവില കുറഞ്ഞു

ദുബായ് : യുഎഇയിൽ തുടർച്ചയായ രണ്ടാം ആഴ്ചയും സ്വർണ്ണവില 500 ദിർഹത്തിന് താഴെയായി തുടരുന്നു. തിങ്കളാഴ്ച വിപണി തുറന്നപ്പോൾ ഗ്രാമിന് 4.75 ദിർഹത്തിന്റെ കുറവാണ് രേഖപ്പെടുത്തിയത്. പുതിയ നിരക്കനുസരിച്ച് 24 കാരറ്റ് സ്വർണ്ണത്തിന് ഗ്രാമിന് 488 ദിർഹമായി കുറഞ്ഞു (വെള്ളിയാഴ്ച വിപണി അടയ്ക്കുമ്പോൾ ഇത് 492.75 ദിർഹമായിരുന്നു). 22 കാരറ്റിന് 452 ദിർഹവും, 21 കാരറ്റിന് 433.25 ദിർഹവും, 18 കാരറ്റിന് 371.50 ദിർഹവുമാണ് ഇന്നത്തെ നിരക്ക്. അമേരിക്കൻ ഡോളർ ശക്തിപ്പെടുന്നതും പലിശനിരക്ക് വർദ്ധനയുമായി ബന്ധപ്പെട്ട ആഗോള വിപണിയിലെ ചലനങ്ങളുമാണ് സ്വർണ്ണവില താഴേക്ക് വരാൻ കാരണമെന്ന് സാമ്പത്തിക വിദഗ്ധർ വിലയിരുത്തുന്നു. അന്താരാഷ്ട്ര വിപണിയിൽ സ്പോട്ട് ഗോൾഡ് വില ഔൺസിന് 4,051 ഡോളർ നിലവാരത്തിലാണ് വ്യാപാരം തുടരുന്നത്.