37
ദുബായ് : ദുബായിലെ പ്രധാന പാതയായ ഷെയ്ഖ് സായിദ് റോഡിൽ (Sheikh Zayed Road) ചൊവ്വാഴ്ച (ജൂൺ 16) ഉണ്ടായ വാഹനാപകടത്തെത്തുടർന്ന് അബുദാബി ഭാഗത്തേക്കുള്ള ഗതാഗതം തടസ്സപ്പെട്ടതായി ദുബായ് പോലീസ് അറിയിച്ചു. മറീന മാളിന് എതിർവശത്തുള്ള റോഡിലാണ് അപകടം സംഭവിച്ചിരിക്കുന്നത്.
ഈ റൂട്ടിലൂടെ പോകുന്ന വാഹനമോടിക്കുന്നവർ അതീവ ജാഗ്രത പാലിക്കണമെന്നും വേഗത കുറച്ച് കൃത്യമായ അകലം പാലിച്ച് വണ്ടിയോടിക്കണമെന്നും പോലീസ് ഔദ്യോഗിക എക്സ് (ട്വിറ്റർ) അക്കൗണ്ടിലൂടെ നിർദ്ദേശിച്ചു. അടിയന്തര രക്ഷാപ്രവർത്തകരും പോലീസും സ്ഥലത്ത് എത്തിയിട്ടുണ്ട്. വലിയ തോതിലുള്ള ഗതാഗതക്കുരുക്കിന് സാധ്യതയുള്ളതിനാൽ നിലവിൽ അബുദാബി ഭാഗത്തേക്ക് പോകുന്നവർ മറ്റ് ബദൽ റോഡുകൾ ഉപയോഗിക്കാൻ ശ്രദ്ധിക്കുക.