ഹജ്ജ് തീർത്ഥാടകർക്ക് മികച്ച സൗകര്യങ്ങളൊരുക്കാൻ യുഎഇ

അബുദാബി: യുഎഇയിൽ നിന്നുള്ള ഹജ്ജ് തീർത്ഥാടകർക്ക് യാത്ര പുറപ്പെടുന്നത് മുതൽ തിരിച്ചെത്തുന്നത് വരെ കൂടുതൽ മികച്ച സേവനങ്ങളും ആധുനിക സൗകര്യങ്ങളും ലഭ്യമാക്കാനൊരുങ്ങി യുഎഇ. ഇത് സംബന്ധിച്ച ഭാവി പദ്ധതികൾ യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ ഉദ്യോഗസ്ഥരുമായി കൂടിക്കാഴ്ച നടത്തി നേരിട്ട് വിലയിരുത്തി. തീർത്ഥാടകരുടെ സുരക്ഷയ്ക്കും സുഖസൗകര്യങ്ങൾക്കുമാണ് രാജ്യം ഏറ്റവും കൂടുതൽ മുൻഗണന നൽകുന്നതെന്ന് അദ്ദേഹം വ്യക്തമാക്കി. മികച്ച രീതിയിൽ സേവനങ്ങൾ ഏകോപിപ്പിച്ച യുഎഇ പിൽഗ്രിംസ് അഫയേഴ്സ് ഓഫീസിനെ പ്രസിഡന്റ് അഭിനന്ദിച്ചു.