സനദ് കാർഡ് ഉടമകൾക്ക് ഡ്രൈവിംഗ് ലൈസൻസ് സേവനങ്ങൾക്ക് 50% ഇളവുമായി ദുബായ് ആർടിഎ

ദുബായ് : ഭിന്നശേഷിക്കാർക്ക് (People of Determination) പ്രതിദിന ജീവിതം കൂടുതൽ എളുപ്പമാക്കുന്നതിനായി ഡ്രൈവിംഗ് ലൈസൻസ് സേവനങ്ങൾക്ക് 50 ശതമാനം ഇളവ് പ്രഖ്യാപിച്ച് Roads and Transport Authority – RTA Headquarter. ദുബായ് കമ്മ്യൂണിറ്റി ഡെവലപ്‌മെന്റ് അതോറിറ്റി (CDA) നൽകുന്ന ‘സനദ് കാർഡ്’ (Sanad Card) ഉടമകൾക്കാണ് ഈ ആനുകൂല്യം ലഭിക്കുക. കൂടാതെ, യുഎഇ കുടുംബ മന്ത്രാലയമോ കമ്മ്യൂണിറ്റി എംപവർമെന്റ് മന്ത്രാലയമോ നൽകുന്ന ഭിന്നശേഷി കാർഡുള്ളവർക്കും ഈ ഇളവ് പ്രയോജനപ്പെടുത്താമെന്ന് ആർടിഎ വ്യക്തമാക്കി.
പുതിയ ഡ്രൈവിംഗ് ലൈസൻസ് എടുക്കുന്നതിനും, നിലവിലുള്ളവ പുതുക്കുന്നതിനും, ലൈസൻസിൽ പുതിയ കാറ്റഗറി കൂട്ടിച്ചേർക്കുന്നതിനും, നഷ്ടപ്പെട്ടതോ കേടുപാടുകൾ സംഭവിച്ചതോ ആയ ലൈസൻസിന് പകരമായി പുതിയത് അപേക്ഷിക്കുന്നതിനും ഈ ഡിസ്‌കൗണ്ട് ലഭിക്കും. അപേക്ഷകൾ സമർപ്പിച്ച് 3 പ്രവൃത്തി ദിവസത്തിനുള്ളിൽ പരിശോധന പൂർത്തിയാക്കി തുടർനടപടികൾക്കായി ദുബായ് ഹെൽത്ത് അതോറിറ്റിയിലേക്ക് കൈമാറും. സിഡിഎയുടെ വെബ്‌സൈറ്റ്, സ്മാർട്ട് ആപ്പ്, അല്ലെങ്കിൽ കസ്റ്റമർ ഹാപ്പിനസ് സെന്ററുകൾ വഴി പൗരന്മാർക്കും താമസക്കാർക്കും വിനോദസഞ്ചാരികൾക്കും സനദ് കാർഡിനായി അപേക്ഷിക്കാം.