വാറ്റ് നിയമങ്ങളിൽ ഭേദഗതിയുമായി യുഎഇ

അബുദാബി : യുഎഇയിൽ നിശ്ചിത പരിധിക്ക് മുകളിലുള്ള റോക്കം (Cash) ഇടപാടുകൾ, ജീവനക്കാരുടെ താമസസൗകര്യം, മെഡിക്കൽ ഉൽപ്പന്നങ്ങൾ എന്നിവയുമായി ബന്ധപ്പെട്ട മൂല്യവർദ്ധിത നികുതി (VAT) നിയമങ്ങളിൽ പ്രധാന ഭേദഗതികൾ പ്രഖ്യാപിച്ച് ധനകാര്യ മന്ത്രാലയം. 2017-ലെ ഫെഡറൽ ഡിക്രി-നിയമം നമ്പർ 8-ന്റെ എക്സിക്യൂട്ടീവ് റെഗുലേഷനിൽ മാറ്റങ്ങൾ വരുത്തി 2026-ലെ ക്യാബിനറ്റ് തീരുമാനം നമ്പർ 149 പുറപ്പെടുവിച്ചു. നികുതി നടപടിക്രമങ്ങൾ ലളിതമാക്കാനും, നികുതി വെട്ടിപ്പ് തടയാനും, ബിസിനസ്സ് സ്ഥാപനങ്ങൾ തമ്മിലുള്ള തർക്കങ്ങൾ കുറയ്ക്കാനുമാണ് ഈ പരിഷ്കാരങ്ങൾ ലക്ഷ്യമിടുന്നത്.
പുതിയ ഭേദഗതി പ്രകാരം, ധനകാര്യ മന്ത്രാലയം പ്രത്യേകം നിശ്ചയിക്കുന്ന പരിധിക്ക് മുകളിലുള്ള ക്യാഷ് ഇടപാടുകൾക്ക് ഇൻപുട്ട് ടാക്സ് തിരികെ ലഭിക്കുന്നതിൽ നിയന്ത്രണങ്ങൾ ഉണ്ടാകും. ജീവനക്കാർക്ക് താമസസൗകര്യം നൽകുന്ന സ്ഥാപനങ്ങൾക്ക് ഇൻപുട്ട് ടാക്സ് വീണ്ടെടുക്കുന്നതിലും മെഡിക്കൽ ഉൽപ്പന്നങ്ങളുടെ വിതരണത്തിലും ഇറക്കുമതിയിലും പുതിയ വ്യക്തത വരുത്തിയിട്ടുണ്ട്. വാറ്റ് നിയമങ്ങൾ അന്താരാഷ്ട്ര തലത്തിലുള്ള മികച്ച മാനദണ്ഡങ്ങൾക്ക് അനുസൃതമാക്കാനും ബിസിനസ്സ് രംഗത്ത് കൂടുതൽ സുതാര്യത ഉറപ്പാക്കാനുമാണ് ഈ നടപടി.