3
അബുദാബി : യു.എ.ഇ ഉപപ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് അബ്ദുള്ള ബിൻ സായിദ് അൽ നഹ്യാൻ, ഈജിപ്ഷ്യൻ വിദേശകാര്യ-അന്താരാഷ്ട്ര സഹകരണ മന്ത്രി ഡോ. ബദർ അബ്ദലാത്തിയുമായി അബുദാബിയിൽ കൂടിക്കാഴ്ച നടത്തി. മിഡിൽ ഈസ്റ്റിലെ നിലവിലെ സംഭവവികാസങ്ങളും മേഖലയിലെ സംഘർഷങ്ങൾ ലഘൂകരിക്കുന്നതിനുള്ള അന്താരാഷ്ട്ര ശ്രമങ്ങളും ഇരുനേതാക്കളും ചർച്ച ചെയ്തു.
അന്താരാഷ്ട്ര നിയമങ്ങൾക്ക് വിധേയമായി ഹോർമുസ് കടലിടുക്കിലൂടെയുള്ള (Strait of Hormuz) തടസ്സമില്ലാത്ത കപ്പൽ ഗതാഗത സ്വാതന്ത്ര്യം ഉറപ്പാക്കേണ്ടതിന്റെ ആവശ്യകതയും കൂടിക്കാഴ്ചയിൽ ഊന്നിപ്പറഞ്ഞു. യു.എ.ഇയും ഈജിപ്തും തമ്മിലുള്ള ശക്തമായ ഉഭയകക്ഷി ബന്ധവും വിവിധ മേഖലകളിലെ സഹകരണവും കൂടുതൽ ശക്തിപ്പെടുത്താൻ ഇരുരാജ്യങ്ങളും തീരുമാനിച്ചു.