ദുബായ്: യുഎഇയിലെ പ്രമുഖ റെസ്റ്റോറന്റ് ശൃംഖലയായ ഫുഡ്ബുക്ക് റെസ്റ്റോറന്റിന്റെ (Foodbook Restaurant) ആഭിമുഖ്യത്തിൽ നടത്തുന്ന ‘തീരമാല സീഫുഡ് ഫെസ്റ്റ് 2026’-ന് തുടക്കമായി. ജൂലൈ 9 മുതൽ ജൂലൈ 26 വരെയാണ് വൈവിധ്യമാർന്ന ഈ കടൽരുചി മേള അരങ്ങേറുന്നത്. കേരളത്തിന്റെ പരമ്പരാഗതമായ സമുദ്ര വിഭവങ്ങളുടെ യഥാർത്ഥ രുചിക്കൂട്ടുകളും ലോകത്തിന്റെ വിവിധ ഭാഗങ്ങളിൽ നിന്നുള്ള മികച്ച മത്സ്യവിഭവങ്ങളും ഒരുമിപ്പിച്ചാണ് ഫെസ്റ്റ് അണിയിച്ചൊരുക്കിയിരിക്കുന്നത്.
നൂറിലധികം വിഭവങ്ങളും 24 ഓളം രാജ്യങ്ങളിൽ നിന്നുള്ള സമുദ്രോത്പന്നങ്ങളുമാണ് ഈ മേളയുടെ പ്രധാന ആകർഷണം. ദിവസേന മാർക്കറ്റിൽ നിന്നും നേരിട്ടെത്തിക്കുന്ന ഫ്രഷ് ഫിഷുകൾ കൊണ്ടുള്ള വിഭവങ്ങളും, പ്രത്യേകമായി തയ്യാറാക്കിയ ‘സമുദ്ര സദ്യയും’ (Sea Feast) സീഫുഡ് പ്രേമികൾക്കായി ഫുഡ്ബുക്ക് ഒരുക്കിയിട്ടുണ്ട്. ഗുണമേന്മയുള്ള ഭക്ഷണം, മികച്ച രുചി, ന്യായമായ വില എന്നിവയാണ് തങ്ങളുടെ പ്രത്യേകതയെന്ന് റെസ്റ്റോറന്റ് മാനേജ്‌മെന്റ് അറിയിച്ചു. എല്ലാ കടൽവിഭവ പ്രേമികളെയും ഈ അപൂർവ്വ രുചിയാത്രയിലേക്ക് സ്വാഗതം ചെയ്യുന്നതായും അവർ കൂട്ടിച്ചേർത്തു.
ദുബായ് അൽ നഹ്ദ-2 (നെസ്റ്റോ ഹൈപ്പർമാർക്കറ്റ് ഒന്നാം നില), ഷാർജ അൽ നഹ്ദ-1 (നെസ്റ്റോ മിയ മാൾ മൂന്നാം നില), ഷാർജ അൽ മുവൈല (നെസ്റ്റോ ഹൈപ്പർമാർക്കറ്റ് ഒന്നാം നില), അജ്മാൻ റാഷിദിയ (നെസ്റ്റോ ഹൈപ്പർമാർക്കറ്റ് രണ്ടാം നില) എന്നീ ഔട്ട്‌ലെറ്റുകളിലാണ് ഫെസ്റ്റ് നടക്കുന്നത്.
78