4
ദുബായ് : രാവിലെ ജോലി സമയത്ത് ഷാർജയിൽ നിന്ന് ദുബായിലേക്ക് വരുന്ന പ്രധാന റോഡുകളിൽ കനത്ത ഗതാഗതക്കുരുക്ക് രൂപപ്പെട്ടു. അൽ ഇത്തിഹാദ് സ്ട്രീറ്റ് (അൽ മംസാർ ഭാഗത്ത്), ഷെയ്ഖ് മുഹമ്മദ് ബിൻ സായിദ് റോഡ് (മുഹൈസിന, അൽ സാഹിയ ഭാഗങ്ങളിൽ), ഷാർജ ഇൻഡസ്ട്രിയൽ ഏരിയയിലെ ഷെയ്ഖ് ഖലീഫ ബിൻ സായിദ് റോഡ്, എമിറേറ്റ്സ് റോഡ് എന്നിവിടങ്ങളിലാണ് അപകടങ്ങളെ തുടർന്നും വാഹനത്തിരക്ക് മൂലവും ഗതാഗതം മന്ദഗതിയിലായത്. കൂടാതെ ദുബായിലെ അൽ ഖൈൽ റോഡ്, ബെയ്റൂട്ട് സ്ട്രീറ്റ് എന്നിവിടങ്ങളിലും യാത്രാ തടസ്സം നേരിടുന്നുണ്ട്. ഇവിടങ്ങളിലൂടെ യാത്ര ചെയ്യുന്നവർ അധിക സമയം കണക്കാക്കി യാത്ര തിരിക്കണമെന്നും ഡ്രൈവിംഗിൽ ജാഗ്രത പാലിക്കണമെന്നും അധികൃതർ നിർദ്ദേശിച്ചു.