ദുബായ് : നഗരത്തിലെ വർദ്ധിച്ചുവരുന്ന തിരക്ക് നിയന്ത്രിക്കുന്നതിനായി ജൂലൈ മുതൽ സെപ്റ്റംബർ വരെയുള്ള വേനലവധി കാലയളവിൽ 28 പ്രധാന കേന്ദ്രങ്ങളിൽ അടിയന്തര ഗതാഗത പരിഷ്‌കാരങ്ങളുമായി ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA). തിരക്ക് കുറഞ്ഞ സമയത്ത് നിർമ്മാണം വേഗത്തിലാക്കാനും യാത്രാതടസ്സം ഒഴിവാക്കാനുമാണ് ഈ സീസൺ തിരഞ്ഞെടുത്തത്.
പദ്ധതിയിൽ ഏറ്റവും പ്രധാനം എമിറേറ്റ്സ് റോഡിന്റെ വികസനമാണ്. ഷാർജയിൽ നിന്ന് അൽ അമാർദി സ്ട്രീറ്റിലേക്ക് നീളുന്ന 5 കിലോമീറ്റർ ഭാഗത്ത് രണ്ട് പുതിയ വരികൾ (Lanes) കൂടി നിർമ്മിക്കും. ഇത് തിരക്കേറിയ സമയങ്ങളിലെ യാത്രാസമയം 25 ശതമാനം വരെ കുറയ്ക്കാൻ സഹായിക്കും. കൂടാതെ ബിസിനസ്സ് ബേയിലെ മറാസി ഡ്രൈവ്, അൽ ഖൂസ്, റാസ് അൽ ഖോർ എന്നിവിടങ്ങളിലും വികസന പ്രവർത്തനങ്ങൾ നടക്കും. പുതിയ അധ്യയന വർഷത്തിന് മുന്നോടിയായി അൽ മിസ്ഹർ, ഉം സുഖീം ഭാഗങ്ങളിലെ സ്കൂൾ മേഖലകളിൽ പുതിയ പാർക്കിങ് സൗകര്യങ്ങളും അതോറിറ്റി ഒരുക്കുന്നുണ്ട്.
17