ദുബായ് : ഈ ജൂലൈ മാസം യുഎഇയിലെ സിനിമാപ്രേമികൾക്കായി ഹോളിവുഡ് ബ്ലോക്ക്ബസ്റ്ററുകളും ശ്രദ്ധേയമായ പ്രാദേശിക ചിത്രങ്ങളും ഉൾപ്പെടെ വലിയൊരു റിലീസ് നിരയാണ് തിയേറ്ററുകളിൽ എത്തുന്നത്. വേനലവധിക്കാലത്ത് കുട്ടികൾക്കും കുടുംബങ്ങൾക്കുമായി ജൂലൈ ഒന്നിന് തന്നെ അനിമേഷൻ ചിത്രമായ ‘മിനിയൻസ് & മോൺസ്റ്റേഴ്സ്’ റിലീസ് ചെയ്യും. തുടർന്ന് തമിഴ് ചിത്രങ്ങളായ ‘ഗട്ട കുസ്തി 2’, ഫാന്റസി ചിത്രമായ ‘നാഗബന്ധം’ എന്നിവ ജൂലൈ മൂന്നിന് തിയേറ്ററുകളിലെത്തും.
മലയാള സിനിമാപ്രേമികൾ ഏറെ കാത്തിരിക്കുന്ന സൈക്കോളജിക്കൽ ത്രില്ലർ ചിത്രം ‘ഐ, നോബഡി’ (I, Nobody) ജൂലൈ എട്ടിനാണ് റിലീസ് ചെയ്യുന്നത്. ഡിസ്നിയുടെ ജനപ്രിയ ചിത്രത്തിന്റെ ലൈവ്-ആക്ഷൻ രൂപമായ ‘മോവാന’യും തമിഴ് ചിത്രം ‘ഇദയം മുരളി’യും ജൂലൈ ഒൻപതിന് പ്രദർശനത്തിനെത്തും. ഇതിഹാസ കാവ്യത്തെ അടിസ്ഥാനമാക്കി ഒരുക്കിയ ബിഗ് ബഡ്ജറ്റ് ചിത്രം ‘ദി ഒഡീസി’ ജൂലൈ 17-നും, മാർവൽ ആരാധകരുടെ പ്രിയപ്പെട്ട സൂപ്പർഹീറോ ചിത്രം ‘സ്പൈഡർമാൻ: ബ്രാൻഡ് ന്യൂ ഡേ’ ജൂലൈ 30-നും റിലീസ് ചെയ്തുകൊണ്ട് ഈ മാസത്തെ സിനിമാപ്പൂരം പൂർത്തിയാകും.
18