2026-ൽ ദുബായ് എയർപോർട്ട് വഴി 7 കോടി യാത്രക്കാരെ പ്രതീക്ഷിക്കുന്നതായി സിഇഒ

ദുബായ് : 2026 അവസാനത്തോടെ ദുബായ് എയർപോർട്ടുകളിലെ വാർഷിക യാത്രാക്കാരുടെ എണ്ണം 7 കോടിയിൽ (70 മില്യൺ) എത്തുമായിരിക്കുമെന്ന് ദുബായ് എയർപോർട്ട്സ് സിഇഒ പോൾ ഗ്രിഫിത്സ് റോയിട്ടേഴ്സിനോട് പറഞ്ഞു. മുൻപ് 10 കോടിയായിരുന്നു ലക്ഷ്യമിട്ടിരുന്നതെങ്കിലും നിലവിലെ സാഹചര്യം കണക്കിലെടുത്ത് പ്രതീക്ഷിക്കുന്ന കണക്കുകളിൽ മാറ്റം വരുത്തുകയായിരുന്നു.
ജൂൺ മാസത്തെ അപേക്ഷിച്ച് 26 ശതമാനം വർദ്ധനവോടെ ജൂലൈയിൽ മാത്രം 6.3 മില്യൺ യാത്രക്കാരാണ് ദുബായ് വഴി യാത്ര ചെയ്തത്. യുദ്ധത്തിന് മുൻപുള്ള ശേഷിയുടെ 84 ശതമാനവും യാത്രക്കാരുടെ എണ്ണത്തിൽ 78 ശതമാനവും വീണ്ടെടുക്കാൻ ദുബായ് എയർപോർട്ടിന് സാധിച്ചിട്ടുണ്ട്. അടുത്ത വർഷം അവസാനത്തോടെ 10 കോടി യാത്രക്കാരെന്ന ലക്ഷ്യത്തിലേക്ക് തിരികെയെത്താൻ സാധിക്കുമെന്നാണ് പ്രതീക്ഷയെന്നും അദ്ദേഹം കൂട്ടിച്ചേർത്തു.