ആഗോള പ്രതിരോധ രംഗത്ത് കരുത്തറിയിച്ച് യുഎഇ; പാരിസിൽ ഒൻപത് വൻ കരാറുകൾ

യുഎഇ : യൂറോപ്പിലെ ഏറ്റവും വലിയ പ്രതിരോധ പ്രദർശനമായ ‘യൂറോസാറ്ററി 2026’-ൽ വലിയ നേട്ടങ്ങളുമായി യുഎഇയുടെ പ്രതിരോധ ഗ്രൂപ്പായ ‘എഡ്ജ്’ (EDGE). ഇറ്റാലിയൻ കമ്പനിയായ ലിയോനാർഡോയുമായി ചേർന്ന് അടുത്ത 5 വർഷത്തിനുള്ളിൽ 4 ബില്യൺ യൂറോയുടെ ഓർഡറുകൾ ലക്ഷ്യമിട്ടുള്ള സംയുക്ത സംരംഭം ഉൾപ്പെടെ ഒൻപത് തന്ത്രപ്രധാന കരാറുകളിലാണ് യുഎഇ ഒപ്പുവെച്ചത്. പാരിസിൽ പുതിയ യൂറോപ്യൻ ആസ്ഥാനം തുറന്ന കമ്പനി, പ്രതിരോധ മേഖലയ്ക്കായുള്ള മൂന്ന് എഐ (AI) സ്റ്റാർട്ടപ്പുകളും മേളയിൽ ആദ്യമായി അവതരിപ്പിച്ചു. കേവലം ആയുധങ്ങൾ വാങ്ങുന്ന രാജ്യം എന്ന നിലയിൽ നിന്നും ആഗോളതലത്തിൽ ഒരു പ്രധാന ഉത്പാദന പങ്കാളിയായി യുഎഇ മാറുന്നതിന്റെ വ്യക്തമായ സൂചനയാണ് ഈ പങ്കാളിത്തം.