ലണ്ടൻ : ലണ്ടനിൽ നടന്ന ഗാലക്സി അൺപാക്ക്ഡ് ചടങ്ങിൽ തങ്ങളുടെ പുതിയ തലമുറ മടക്കാവുന്ന ഫോണുകൾ സാംസങ് വിപണിയിലിറക്കി. ആദ്യമായാണ് പ്രീമിയം മോഡലായ ‘ഗാലക്സി Z ഫോൾഡ്8 അൾട്രാ’, ഭാരം കുറഞ്ഞ ‘ഗാലക്സി Z ഫോൾഡ്8’, പോക്കറ്റ് സൈസിലുള്ള ‘ഗാലക്സി Z ഫ്ലിപ്പ്8’ എന്നിങ്ങനെ മൂന്ന് മോഡലുകൾ കമ്പനി ഒരുമിച്ച് പുറത്തിറക്കുന്നത്. ഫോണുകൾക്കായുള്ള മുൻകൂട്ടി ബുക്കിംഗ് യുഎഇയിൽ ആരംഭിച്ചുകഴിഞ്ഞു. സാംസങ്ങിന്റെ ഔദ്യോഗിക വെബ്സൈറ്റ് വഴിയും രാജ്യത്തെ പ്രമുഖ ടെലികോം ഓപ്പറേറ്റർമാർ വഴിയും ഉപഭോക്താക്കൾക്ക് പ്രീ-ഓർഡർ ചെയ്യാവുന്നതാണ്.
യുഎഇയിൽ ഗാലക്സി Z ഫോൾഡ്8 അൾട്രായുടെ 256GB മോഡലിന് 7,999 ദിർഹവും 512GB മോഡലിന് 8,799 ദിർഹവും 1TB മോഡലിന് 10,399 ദിർഹവുമാണ് വില. സ്റ്റാൻഡേർഡ് ഫോൾഡ്8 മോഡലുകൾ 7,199 ദിർഹം മുതൽ 9,599 ദിർഹം വരെ ലഭ്യമാകുമ്പോൾ ഗാലക്സി Z ഫ്ലിപ്പ്8 പതിപ്പുകൾക്ക് 4,699 ദിർഹവും 5,499 ദിർഹവുമാണ് വില നിശ്ചയിച്ചിരിക്കുന്നത്. ഗ്രാഫൈറ്റ്, ക്രീം, വയലറ്റ് ഷാഡോ തുടങ്ങിയ വിവിധ വർണ്ണങ്ങളിൽ ലഭ്യമാകുന്ന ഈ ഫോണുകൾ വാങ്ങുന്നവർക്ക് 5TB ക്ലൗഡ് സ്റ്റോറേജും വിപുലമായ AI ഫീച്ചറുകളും ഉൾപ്പെടുന്ന ‘ഗൂഗിൾ AI പ്രോ’ ആറുമാസത്തേക്ക് സൗജന്യമായി ലഭിക്കും.
35