ദുബൈ : യുഎഇയിൽ കടുത്ത വേനൽ ചൂട് തുടരുന്നതിനിടയിൽ, അമിത ചൂട് കാരണം വാഹനങ്ങൾക്കുണ്ടാകുന്ന കേടുപാടുകൾ തടയാൻ മുൻകരുതലുകൾ സ്വീകരിക്കണമെന്ന് ഓട്ടോമോട്ടീവ് വിദഗ്ദ്ധർ മുന്നറിയിപ്പ് നൽകുന്നു. എൻജിൻ ഓവർഹീറ്റിംഗ്, ടയർ പൊട്ടിത്തെറിക്കൽ, എസി തകരാറുകൾ, ബാറ്ററി കേടുപാടുകൾ എന്നിവയാണ് വേനൽക്കാലത്ത് സാധാരണയായി കാണുന്ന പ്രധാന പ്രശ്നങ്ങൾ. ടയർ പ്രഷർ കൃത്യമായി പരിശോധിക്കുക, കുറഞ്ഞ അളവിൽ ഇന്ധനം അടിച്ച് വണ്ടിയോടിക്കാതിരിക്കുക, ബ്രേക്ക്, ഓയിൽ, കൂളന്റ്, ബാറ്ററി എന്നിവ കൃത്യസമയത്ത് പരിശോധിച്ച് ഉറപ്പുവരുത്തുക എന്നിവ വളരെ പ്രധാനമാണ്. കൂടാതെ വാഹനം എപ്പോഴും തണലുള്ള സ്ഥലങ്ങളിൽ പാർക്ക് ചെയ്യുന്നതും സൺഷെയ്ഡുകൾ ഉപയോഗിക്കുന്നതും വണ്ടിയുടെ ആയുസ്സ് വർദ്ധിപ്പിക്കും.
