ദുബായ് : ദുബായ് മെട്രോ നെറ്റ്‌വർക്കിലെ 262 എസ്കലേറ്ററുകളുടെ നവീകരണ ജോലികൾ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (RTA) പൂർത്തിയാക്കി. മെട്രോ സ്റ്റേഷനുകളിലെ ആകെ എസ്കലേറ്ററുകളുടെ 63 ശതമാനത്തോളമാണിത്. യാത്രക്കാരുടെ സുരക്ഷയും സൗകര്യവും വർദ്ധിപ്പിക്കുന്നതിനൊപ്പം തകരാറുകൾ മൂലമുള്ള തടസ്സങ്ങൾ ഒഴിവാക്കാനുമാണ് ആർടിഎ ഈ പദ്ധതി നടപ്പിലാക്കിയത്.
മെട്രോ സർവീസുകളെ ബാധിക്കാത്ത രീതിയിൽ രാത്രി സമയങ്ങളിലാണ് പ്രധാനമായും അറ്റകുറ്റപ്പണികൾ പൂർത്തിയാക്കിയത്. ഡ്രൈവ് സിസ്റ്റം, മോട്ടോർ യൂണിറ്റുകൾ, ഹാൻഡ്‌റെയിലുകൾ എന്നിവയുൾപ്പെടെയുള്ള പ്രധാന ഭാഗങ്ങളാണ് ഈ ഘട്ടത്തിൽ നവീകരിച്ചത്. മെട്രോയുടെ പ്രവർത്തനക്ഷമത വർദ്ധിപ്പിക്കുന്ന ഈ പദ്ധതി ദുബായ് വിഷൻ 2030-ന്റെ ലക്ഷ്യങ്ങൾക്ക് വലിയ പിന്തുണയേകുമെന്നും ആർടിഎ വ്യക്തമാക്കി.
