എമിറാത്തി ഡോക്ടർമാർക്കായി പുതിയ ഫെർട്ടിലിറ്റി ഫെലോഷിപ്പ് പ്രോഗ്രാമുമായി അബുദാബി

അബുദാബി : എമിറാത്തി ഡോക്ടർമാർക്ക് ഫെർട്ടിലിറ്റി സ്പെഷ്യലിസ്റ്റുകളാകാൻ മൂന്ന് വർഷത്തെ പുതിയ ഫെലോഷിപ്പ് പ്രോഗ്രാമുമായി അബുദാബി. അസിസ്റ്റഡ് റീപ്രൊഡക്ഷൻ രംഗത്ത് എമിറേറ്റിലെ മെഡിക്കൽ രംഗം കൂടുതൽ ശക്തിപ്പെടുത്തുന്നതിന്റെ ഭാഗമായാണ് പുതിയ പദ്ധതിക്ക് തുടക്കമിട്ടിരിക്കുന്നത്.

പ്യൂർ ഹെൽത്തിന്റെ (PureHealth) കീഴിൽ ‘സെഹ നാഷണൽ ഫെലോഷിപ്പ് പ്രോഗ്രാം ഇൻ റിപ്രൊഡക്ടീവ് മെഡിസിൻ ആൻഡ് സർജറി’ (SEHA National Fellowship Programme in Reproductive Medicine and Surgery) വ്യാഴാഴ്ച പ്രഖ്യാപിച്ചു. അബുദാബിയിലെ സെഹ കോർണിഷ് ഫെർട്ടിലിറ്റി സെന്ററിലും, അൽ ഐനിലെ സെഹ തവാം ഫെർട്ടിലിറ്റി സെന്ററിലുമായാണ് ഈ പരിശീലന പരിപാടി നടപ്പിലാക്കുന്നത്. എമിറാത്തി ഫിസിഷ്യൻമാർക്ക് മാത്രമായി രൂപകൽപ്പന ചെയ്തിട്ടുള്ള ഈ ബോർഡ്-അംഗീകൃത പ്രോഗ്രാമിൽ ക്ലിനിക്കൽ പരിശീലനം, സർജറി, ഗവേഷണം, ലീഡർഷിപ്പ് വികസനം എന്നിവ ഉൾപ്പെടുന്നുണ്ട്.