16
ദുബായ്: കനത്ത ചൂടിനും ഉയർന്ന ഈർപ്പത്തിനും ശേഷം ആശ്വാസമായി യുഎഇയുടെ വിവിധ ഭാഗങ്ങളിൽ മഴയെത്തി. വ്യാഴാഴ്ച മുതൽ സെപ്റ്റംബർ 7 തിങ്കളാഴ്ച വരെ രാജ്യത്തിന്റെ വിവിധ ഭാഗങ്ങളിൽ നേരിയതും മിതമായതുമായ മഴയ്ക്ക് സാധ്യതയുണ്ടെന്ന് ദേശീയ കാലാവസ്ഥാ കേന്ദ്രം (NCM) അറിയിച്ചു. ദുബായിൽ പലയിടത്തും നേരിയ മഴ പെയ്തതോടെ റോഡുകളിൽ വെള്ളക്കെട്ടുകൾ രൂപപ്പെടുകയും വാഹനങ്ങൾ വെള്ളം തെറിപ്പിച്ചു കടന്നുപോകുന്ന കാഴ്ചകൾ കാണുകയും ചെയ്തു. വരും ദിവസങ്ങളിൽ തെക്കൻ കാറ്റും പൊടിക്കാറ്റും ഉണ്ടാകുമെന്നും, അതിനുശേഷം വടക്കുപടിഞ്ഞാറൻ കാറ്റ് ശക്തമാകുന്നതോടെ ഊഷ്മാവിൽ പ്രകടമായ കുറവുണ്ടാകുമെന്നും കാലാവസ്ഥാ നിരീക്ഷണ കേന്ദ്രം വ്യക്തമാക്കുന്നു..