35
ദുബൈ : ദുബൈ ആർടിഎയും ദുബൈ ടാക്സി കമ്പനിയും ചേർന്ന് പൊതുജനങ്ങൾക്ക് തുറന്നുനൽകിയ ‘അപ്പോളോ ഗോ’ (Apollo Go) ഡ്രൈവർരില്ലാ ടാക്സി സർവീസിന് മികച്ച പ്രതികരണം. ജുമൈറ, ഉമ്മു സുഖീം എന്നീ മേഖലകളിൽ വെറും 5 ദിർഹം പ്രൊമോഷൻ നിരക്കിലാണ് ഇപ്പോൾ ഈ യാത്ര ലഭ്യമാകുന്നത്. അപ്പോളോ ഗോ ആപ്പ് വഴി നിശ്ചിത ബസ് സ്റ്റേഷനുകളിൽ നിന്ന് മാത്രമേ ഈ ടാക്സി ബുക്ക് ചെയ്യാനാകൂ. പരമാവധി മൂന്ന് പേർക്ക് യാത്ര ചെയ്യാവുന്ന കാറിൽ മസാജ് സീറ്റുകൾ, വയർലെസ് ചാർജിംഗ് തുടങ്ങിയ ആധുനിക സൌകര്യങ്ങളുണ്ട്. സിഗ്നലുകൾ കൃത്യമായി പാലിച്ചും സുരക്ഷ ഉറപ്പാക്കിയും സഞ്ചരിക്കുന്ന ഈ വാഹനങ്ങളുടെ എണ്ണം ഭാവിയിൽ 1000 ആയി ഉയർത്താനാണ് ആർടിഎ ലക്ഷ്യമിടുന്നത്.