യുഎഇ : ദുബായിലേക്ക് വിദേശ നിക്ഷേപകരുടെയും താമസക്കാരുടെയും വൻ ഒഴുക്ക തുടരുന്നതായി വ്യക്തമാക്കി പുതിയ കണക്കുകൾ പുറത്ത്. ഈ വർഷത്തിന്റെ ആദ്യ പകുതിയിൽ മാത്രം ദുബായ് ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് (GDRFA) 66,000 ഗോൾഡൻ വിസകൾ അനുവദിച്ചതായി അധികൃതർ അറിയിച്ചു. ഇതിന് പുറമെ 10.52 ലക്ഷത്തിലധികം പുതിയ റെസിഡൻസി പെർമിറ്റുകളും ആദ്യ ആറ് മാസത്തിനിടെ ദുബായ് അനുവദിച്ചിട്ടുണ്ട്. ബുധനാഴ്ച ജിഡിആർഎഫ്എ ആസ്ഥാനത്ത് നടന്ന മാധ്യമസമ്മേളനത്തിൽ ഡയറക്ടർ ജനറൽ ലെഫ്റ്റനന്റ് ജനറൽ മുഹമ്മദ് അഹമ്മദ് അൽ മർറിയാണ് ഈ വിവരങ്ങൾ പുറത്തുവിട്ടത്. ആദ്യ പകുതിയിൽ 50 ലക്ഷത്തിലധികം എൻട്രി പെർമിറ്റ് ഇടപാടുകളും ഒൻപത് ലക്ഷത്തിലധികം റെസിഡൻസി പുതുക്കലുകളും അതോറിറ്റി വിജയകരമായി പൂർത്തിയാക്കി. ദുബായിലെ ദ്രുതഗതിയിലുള്ള ജനസംഖ്യാ വളർച്ചയ്ക്കും സാമ്പത്തിക പുരോഗതിക്കും അനുസൃതമായി ഏറ്റവും കാര്യക്ഷമവും വേഗതയേറിയതുമായ സേവനങ്ങളാണ് സ്മാർട്ട് സംവിധാനങ്ങളിലൂടെ അതോറിറ്റി നൽകിവരുന്നതെന്നും അദ്ദേഹം കൂട്ടിച്ചേർത്തു.
14
next post