എയർപോർട്ടിൽ നേരത്തെ എത്തില്ലെങ്കിൽ പണി കിട്ടും; ഓർമ്മിപ്പിച്ച് എമിറേറ്റ്സ്

ദുബായ് : വേനലവധിക്കാലത്തെ വൻ തിരക്ക് കണക്കിലെടുത്ത് ദുബായ് വിമാനത്താവളത്തിൽ (DXB) യാത്രക്കാർ നേരത്തെ എത്തണമെന്ന് എമിറേറ്റ്‌സ് എയർലൈൻസിന്റെ മുന്നറിയിപ്പ്. പ്രത്യേകിച്ച് ജൂലൈ 3 മുതൽ 5 വരെയുള്ള ദിവസങ്ങളിൽ ടെർമിനൽ 3 വഴി പോകുന്നവർ ഫ്ലൈറ്റിന് 3 മണിക്കൂർ മുമ്പെങ്കിലും എയർപോർട്ടിൽ എത്തണം.
റോഡിലെ ഗതാഗതക്കുരുക്ക് ഒഴിവാക്കാൻ ദുബായ് മെട്രോ ഉപയോഗിക്കാനും, തിരക്ക് ഒഴിവാക്കാൻ ഓൺലൈൻ അല്ലെങ്കിൽ സിറ്റി ചെക്ക്-ഇൻ സൗകര്യങ്ങൾ പ്രയോജനപ്പെടുത്താനും നിർദ്ദേശമുണ്ട്. പവർ ബാങ്കുകളും ഇ-സിഗരറ്റുകളും ഹാൻഡ് ലഗേജിൽ മാത്രമേ വെയ്ക്കാവൂ എന്നും എമിറേറ്റ്‌സ് ഓർമ്മിപ്പിച്ചു.