യുഎഇ ടെലികോം സേവനങ്ങളിൽ വൻ മുന്നേറ്റം; ‘ഇർത്തിഖാ’ പദ്ധതിയിൽ മികച്ച നേട്ടം

ദുബായ് : യുഎഇയിലെ ടെലികോം സേവനങ്ങളുടെ ഗുണനിലവാരവും ഉപഭോക്തൃ സംതൃപ്തിയും വർദ്ധിപ്പിക്കുന്നതിനായുള്ള ടിഡിആർഎയുടെ (TDRA) ‘ഇർത്തിഖാ’ (Erteqa) പദ്ധതിയിൽ യുഎഇ ടെലികോം മേഖലയ്ക്ക് 90 ശതമാനം സ്കോർ. രാജ്യത്തെ ഡിജിറ്റൽ പരിവർത്തനവും സ്മാർട്ട് സേവനങ്ങളും കൂടുതൽ ശക്തമാക്കുന്നതിന്റെ ഭാഗമായാണ് പുതിയ മൂല്യനിർണ്ണയ ഫലം പുറത്തുവിട്ടത്.
രഹസ്യ ഉപഭോക്താക്കളെ (Mystery shoppers) ഉപയോഗിച്ചുള്ള പരിശോധനയിലൂടെയും ഉപഭോക്തൃ സർവേകളിലൂടെയുമാണ് സേവനങ്ങളുടെ വേഗതയും കാര്യക്ഷമതയും വിലയിരുത്തിയത്. അതോറിറ്റിയും ടെലികോം കമ്പനികളും തമ്മിലുള്ള ശക്തമായ സഹകരണമാണ് ഈ നേട്ടത്തിന് പിന്നിലെന്ന് അധികൃതർ വ്യക്തമാക്കി. ആഗോളതലത്തിൽ മികച്ച ഡിജിറ്റൽ സേവനങ്ങൾ ഉറപ്പാക്കുകയാണ് ഈ പദ്ധതിയിലൂടെ ലക്ഷ്യമിടുന്നത്.