24
യുഎഇ : അന്താരാഷ്ട്ര സഹകരണത്തിനായുള്ള യുഎഇ സഹമന്ത്രി റീം ബിൻത് ഇബ്രാഹിം അൽ ഹാഷിമി ഇറ്റലിയുടെ പരമോന്നത ബഹുമതികളിലൊന്നായ മരിസ ബെല്ലിസാരിയോ (Marisa Bellisario) പുരസ്കാരം ഏറ്റുവാങ്ങി. റോമിൽ നടന്ന ചടങ്ങിൽ ഇറ്റാലിയൻ ഉപപ്രധാനമന്ത്രിയും വിദേശകാര്യ മന്ത്രിയുമായ അന്തോണിയോ തയാനിയാണ് പുരസ്കാരം സമ്മാനിച്ചത്. നയതന്ത്രം, ഗവൺമെന്റ്, മാനുഷിക പ്രവർത്തനങ്ങൾ എന്നീ മേഖലകളിൽ അവർ നൽകിയ മികച്ച സംഭാവനകളെയും യുഎഇ-ഇറ്റലി ഉഭയകക്ഷി ബന്ധം ശക്തമാക്കുന്നതിൽ വഹിച്ച പങ്കിനെയുമാണ് ഈ അവാർഡ് വഴി ആദരിച്ചത്. പുരസ്കാര ചടങ്ങിന് മുന്നോടിയായി ഇറ്റാലിയൻ പ്രസിഡന്റ് സെർജിയോ മാറ്ററെല്ലെ ഒരുക്കിയ പ്രത്യേക സ്വീകരണത്തിലും റീം അൽ ഹാഷിമി പങ്കെടുത്തു. യുഎഇയിലെ മുഴുവൻ വനിതകളുടെയും കഠിനാധ്വാനത്തിനും രാജ്യത്തിന്റെ ദീർഘവീക്ഷണത്തിനുമുള്ള അംഗീകാരമായാണ് ഈ പുരസ്കാരത്തെ കാണുന്നതെന്ന് അവർ വ്യക്തമാക്കി.