ദുബായ് : യുഎഇ ഉപരാഷ്ട്രപതിയും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം തുടക്കം കുറിച്ച ‘ദുബായ്-ഇറ്റ്’ (Dubai-it) ക്യാമ്പയിൻ ദുബായുടെ അതിരുകളില്ലാത്ത വികസന സ്വപ്നങ്ങളുടെ ശാശ്വത തെളിവാണ് എന്ന് ദുബായ് ഇലക്ട്രിസിറ്റി ആൻഡ് വാട്ടർ അതോറിറ്റി (DEWA) എംഡിയും സിഇഒയുമായ സയീദ് മുഹമ്മദ് അൽ തായർ പ്രസ്താവിച്ചു. വികസനത്തിന്റെ പരമാവധിയിൽ എത്തിയെന്ന് കരുതുന്ന ഓരോ നിമിഷത്തിലും പുതിയ ചക്രവാളങ്ങൾ തുറന്നു തരുന്നതാണ് ഷെയ്ഖ് മുഹമ്മദിന്റെ ദീർഘവീക്ഷണമെന്ന് അദ്ദേഹം കൂട്ടിച്ചേർത്തു.
വലിയ ആശയങ്ങളെയും സ്വപ്നങ്ങളെയും ചുരുങ്ങിയ സമയത്തിനുള്ളിൽ മികച്ച ഫലങ്ങളാക്കി മാറ്റുക എന്ന ദുബായുടെ വികസന ശൈലിയാണ് ഈ ക്യാമ്പയിൻ ഉയർത്തിപ്പിടിക്കുന്നത്. ദുബായ്-ഇറ്റ് എന്ന ആശയം സമയവുമായുള്ള നമ്മുടെ ബന്ധത്തെ പുനർനിർവചിക്കുന്നുവെന്നും ഓരോ നിമിഷത്തെയും വികസനത്തിനുള്ള ഊർജ്ജമാക്കി മാറ്റുന്നുവെന്നും അൽ തായർ വ്യക്തമാക്കി. ദുബായിൽ ഭാവിക്ക് വേണ്ടി കാത്തിരിക്കുകയല്ല, മറിച്ച് ഓരോ ദിവസവും പ്രവൃത്തികളിലൂടെ ഭാവി രൂപകൽപ്പന ചെയ്യുകയാണ് ചെയ്യുന്നതെന്നും ഫലങ്ങൾ മാത്രമാണ് വിജയത്തിന്റെ മാനദണ്ഡമെന്നും അദ്ദേഹം ഓർമ്മിപ്പിച്ചു.
21