20
ദുബായ് : ഷാർജയിൽ നിന്നും ദുബായിലേക്കുള്ള പ്രധാന പാതകളിൽ ഓഫീസുകളിലേക്ക് പോകുന്നവരുടെ തിരക്ക് കാരണം ഗതാഗതം മന്ദഗതിയിലാണെന്ന് തത്സമയ ഗൂഗിൾ മാപ്പ് വിവരങ്ങൾ വ്യക്തമാക്കുന്നു. ഇ 11 അൽ ഇത്തിഹാദ് റോഡ്, ഷെയ്ഖ് മുഹമ്മദ് ബിൻ സായിദ് റോഡ് (ഇ 311) എന്നീ പ്രധാന റൂട്ടുകളിൽ അൽ നഹ്ദ, അൽ താവൂൺ, അൽ ഖുസൈസ്, മിർദിഫ് ഭാഗങ്ങളിലേക്ക് പ്രവേശിക്കുന്ന ഇടങ്ങളിലാണ് കൂടുതൽ തിരക്ക് അനുഭവപ്പെടുന്നത്.
അതേസമയം, എമിറേറ്റ്സ് റോഡിൽ (E611) ഗതാഗതം താരതമ്യേന സുഗമമാണ്. ദുബായ് നഗരത്തിനുള്ളിൽ അൽ ഖൈൽ റോഡിൽ നാദ് അൽ ഷെബ ഭാഗത്ത് നേരിയ തിരക്കുണ്ടെങ്കിലും ഷെയ്ഖ് സായിദ് റോഡിൽ വലിയ തടസ്സങ്ങളില്ലാതെ വാഹനങ്ങൾ നീങ്ങുന്നുണ്ട്. തിരക്കേറിയ സമയങ്ങൾ കഴിയുന്നതോടെ ഗതാഗതക്കുരുക്ക് കുറയുമെന്നാണ് പ്രതീക്ഷിക്കുന്നത്.