ദുബായ് : കഴിഞ്ഞ ആഴ്ചയിലെ ഇടിവിന് ശേഷം യുഎഇയിൽ ഇന്ന് (തിങ്കളാഴ്ച) സ്വർണ്ണവിലയിൽ വർദ്ധനവ് രേഖപ്പെടുത്തി. വിപണി തുറന്നപ്പോൾ 24 കാരറ്റ് സ്വർണ്ണത്തിന് ഗ്രാമിന് 3.75 ദിർഹം വർദ്ധിച്ച് 503.75 ദിർഹമായി ഉയർന്നു. കഴിഞ്ഞ വെള്ളിയാഴ്ച വിപണി അടയ്ക്കുമ്പോൾ ഇത് 500 ദിർഹമായിരുന്നു. 22 കാരറ്റ് സ്വർണ്ണത്തിന് 6.5 ദിർഹം വർദ്ധിച്ച് ഗ്രാമിന് 466.50 ദിർഹത്തിലും, 21 കാരറ്റ് 447.25 ദിർഹത്തിലും, 18 കാരറ്റ് ഗ്രാമിന് 299 ദിർഹത്തിലുമാണ് ഇന്ന് വ്യാപാരം നടക്കുന്നത്. അമേരിക്കൻ ഫെഡറൽ റിസർവിന്റെ സാമ്പത്തിക നയങ്ങളും യുഎസ് ഡോളറിന്റെ കരുത്തുമാണ് കഴിഞ്ഞ ആഴ്ച വില കുറയാൻ കാരണമായിരുന്നത്. നിലവിൽ അമേരിക്കയും ഇറാനും തമ്മിൽ 60 ദിവസത്തിനകം സമാധാന കരാറിലെത്താനുള്ള ചർച്ചകളുടെ റോഡ്മാപ്പിന് ധാരണയായിട്ടുണ്ടെങ്കിലും, നിക്ഷേപകർ വരാനിരിക്കുന്ന യുഎസ് സാമ്പത്തിക ഡാറ്റകളിലാണ് ശ്രദ്ധ കേന്ദ്രീകരിക്കുന്നതെന്ന് വിപണി വിദഗ്ദ്ധർ വിലയിരുത്തുന്നു. ആഗോള വിപണിയിൽ സ്പോട്ട് ഗോൾഡ് വില ഔൺസിന് 4,196.28 ഡോളറായി ഉയർന്നിട്ടുണ്ട്.
18