26
ദുബായ് : മാറുന്ന ആഗോള സാഹചര്യങ്ങളിൽ മാധ്യമങ്ങളുടെ പങ്ക് ചർച്ച ചെയ്യുന്നതിനായുള്ള പതിനൊന്നാമത് എമിറാത്തി മീഡിയ ഫോറത്തിന് ഇന്ന് (ജൂൺ 22) ദുബായിൽ തുടക്കമാകും. ദുബായ് മീഡിയ കൗൺസിൽ ചെയർമാൻ ഷെയ്ഖ് അഹമ്മദ് ബിൻ മുഹമ്മദ് ബിൻ റാഷിദ് അൽ മക്തൂമിന്റെ രക്ഷാകർതൃത്വത്തിൽ ദുബായ് പ്രസ് ക്ലബ്ബാണ് മാൻഡറിൻ ഓറിയന്റൽ ഡൗൺടൗണിൽ വെച്ച് ഈ ഏകദിന സമ്മേളനം സംഘടിപ്പിക്കുന്നത്. രാഷ്ട്രീയ, സാമ്പത്തിക, സുരക്ഷാ മേഖലകളിലെ ദ്രുതഗതിയിലുള്ള മാറ്റങ്ങൾക്കിടയിൽ ദേശീയ മാധ്യമങ്ങളുടെ ഉത്തരവാദിത്തം പുനർമൂല്യനിർണ്ണയം ചെയ്യാനും പൊതുജനവിശ്വാസം ശക്തിപ്പെടുത്താനുമുള്ള ചർച്ചകൾക്കാണ് ഫോറം വേദിയാകുന്നത്. യുഎഇ നാഷണൽ മീഡിയ അതോറിറ്റി ചെയർമാൻ അബ്ദുള്ള ബിൻ മുഹമ്മദ് അൽ ഹമീദ്, ഇമാർ സ്ഥാപകൻ മുഹമ്മദ് അൽ അബ്ബാർ ഉൾപ്പെടെയുള്ള പ്രമുഖർ വിവിധ സെഷനുകളിൽ സംസാരിക്കും.