ദുബായ് : ആഗോള വിപണിയിലെ മാറ്റങ്ങളെത്തുടർന്ന് ദുബായിൽ സ്വർണ്ണവിലയിൽ വൻ ഇടിവ്. പവറുള്ള യുഎസ് ഡോളറും യുഎസ് പലിശനിരക്ക് വർധിക്കുമെന്ന സൂചനകളും സ്വർണ്ണവിലയെ താഴേക്ക് നയിച്ചതോടെ, 24 കാരറ്റ് സ്വർണ്ണവില ഗ്രാമിന് 500 ദിർഹത്തിന് താഴെയെത്തി. ഒരു ദിവസത്തിനിടെ ഗ്രാമിന് 12.50 ദിർഹത്തിന്റെ കുറവാണ് രേഖപ്പെടുത്തിയത്.
വെള്ളിയാഴ്ച ദുബായിൽ 24 കാരറ്റ് സ്വർണ്ണവില ഗ്രാമിന് 496.75 ദിർഹമായി കുറഞ്ഞു. വ്യാഴാഴ്ച ഇത് 509.25 ദിർഹമായിരുന്നു. 22 കാരറ്റ് സ്വർണ്ണവില ഗ്രാമിന് 460 ദിർഹമായും താഴ്ന്നു (പഴയ വില 471.50 ദിർഹം). ആഗോള വിപണിയിൽ ഔൺസിന് 87.50 ഡോളർ (2.07 ശതമാനം) കുറഞ്ഞ് 4,138.81 ഡോളറിലാണ് അന്താരാഷ്ട്ര സ്വർണ്ണവില വ്യാപാരം നടത്തുന്നത്. ദുബായിലെ വിലക്കുറവിന് പിന്നാലെ ഇന്ത്യൻ വിപണിയിലും സ്വർണ്ണവിലയിൽ ഇടിവ് രേഖപ്പെടുത്തിയിട്ടുണ്ട്. യുഎസ്-ഇറാൻ സമാധാന കരാറിനെത്തുടർന്ന് സ്വർണ്ണവിലയിലുണ്ടായ മുന്നേറ്റം താൽക്കാലികമായിരുന്നുവെന്നും ശക്തമാകുന്ന ഡോളറാണ് നിലവിലെ വിലയിടിവിന് കാരണമെന്നും വിപണി വിദഗ്ദ്ധർ വിലയിരുത്തുന്നു.
27