‘ജബ്ർ’
മരണാനന്തര നടപടികൾക്ക് ഏകീകൃത പ്ലാറ്റ്ഫോമുമായി ദുബായ്

ദുബായ് ഹെൽത്ത് അതോറിറ്റി അവതരിപ്പിച്ച പുതിയ ‘ജബ്റ് സിസ്റ്റം’ വഴി, ഒരു വ്യക്തിയുടെ മരണം രജിസ്റ്റർ ചെയ്ത ഉടൻ എല്ലാ മരണാനന്തര ഔദ്യോഗിക നടപടികളും ഒരൊറ്റ സംവിധാനത്തിൽ നിന്നും ഏകോപിപ്പിക്കപ്പെടും.
മരണം റിപ്പോർട്ട് ചെയ്താൽ തന്നെ ബന്ധപ്പെട്ട എല്ലാ വകുപ്പുകളും സ്വമേധയാ സജീവമാകും —
• അടക്കം/സംസ്കാരം
• നാട്ടിലെത്തിക്കൽ നടപടികൾ
• മെഡിക്കൽ സർട്ടിഫിക്കറ്റ് നൽകൽ
• പ്രമാണങ്ങൾ പരിശോധിക്കൽ, പ്രോസസ്സിംഗ്
ഇവയെല്ലാം ഓട്ടോമേറ്റഡ് ആയി മുന്നോട്ടുപോകും.
ഓരോ കേസിനും ഒരു സർക്കാർ സേവന ഉദ്യോഗസ്ഥനെ നേരിട്ട് ചുമതലപ്പെടുത്തും. ഇതിലൂടെ കുടുംബം വിവിധ ഓഫീസുകളിൽ പോയി ഓടിക്കറങ്ങേണ്ട അവസ്ഥ ഒഴിവാക്കുകയും നടപടിക്രമങ്ങൾ വേഗത്തിലാക്കുകയും മനശ്ശാന്തി നൽകുകയും ചെയ്യുന്നതാണ് ലക്ഷ്യം.
ഡിജിറ്റൽ അറിയിപ്പ് സംവിധാനത്തിലൂടെ എല്ലാ വിവരങ്ങളും ബന്ധപ്പെട്ട വകുപ്പുകളിലേക്ക് തത്സമയം കൈമാറപ്പെടുന്നതിനാൽ, സേവനങ്ങൾ കൂടുതൽ വേഗത്തിലും കൃത്യതയോടെയും പൂർത്തിയാക്കാനാകും.