എമിറേറ്റ്സ് റോഡിൽ ക്രൂയിസ് കൺട്രോൾ തകരാറിലായി

വനിതാ ഡ്രൈവറെ അപകടത്തിൽ നിന്നും മിനിറ്റുകൾക്കുള്ളിൽ രക്ഷപ്പെടുത്തി ദുബായ് പോലീസ്

എമിറേറ്റ്‌സ് റോഡിലൂടെ അബുദാബിയിലേക്ക് സഞ്ചരിക്കുകയായിരുന്ന വാഹനത്തിന്റെ ക്രൂയിസ് കൺട്രോൾ സംവിധാനം തകരാറിലായതിനെ തുടർന്ന് നിയന്ത്രണം നഷ്ടപ്പെട്ട വനിതാ ഡ്രൈവറെ ദുബായ് പോലീസ് ട്രാഫിക് പട്രോളിംഗ് വിഭാഗം അതിവേഗത്തിൽ രക്ഷപ്പെടുത്തി. പോലീസിന്റെ സമയോചിതമായ ഇടപെടൽ വഴി ഒരു വലിയ അപകടമാണ് ഒഴിവായത്. ക്രൂയിസ് കൺട്രോൾ തകരാറിലായെന്ന റിപ്പോർട്ട് ലഭിച്ച് മിനിറ്റുകൾക്കുള്ളിൽ പ്രത്യേക പട്രോളിംഗ് സംഘങ്ങൾ എത്തിയിരുന്നു. വാഹനത്തിൻ്റെ വേഗത നിയന്ത്രിക്കാൻ കഴിയാത്ത ഒരു വനിതാ ഡ്രൈവർക്ക് കാർ ആക്‌സിലറേറ്ററിലോ ബ്രേക്കിലോ പ്രതികരിക്കാതെ നീങ്ങുന്നതായി ഓപ്പറേഷൻസ് റൂമിൽ റിപ്പോർട്ട് ലഭിച്ചതായി ദുബായ് പോലീസിലെ ജനറൽ ഡിപ്പാർട്ട്മെന്റ് ഓഫ് ട്രാഫിക് ഡയറക്‌ടർ പറഞ്ഞു.