13
ഫുജൈറ : യുഎഇയിൽ കഠിനമായ വേനൽച്ചൂടിന് ആശ്വാസമേകി ഫുജൈറ, ഖോർഫക്കാൻ ഉൾപ്പെടെയുള്ള കിഴക്കൻ തീരങ്ങളിലും മലയോര മേഖലകളിലും കനത്ത മഴ പെയ്തു. ഇന്ത്യയിൽ നിന്നുള്ള മൺസൂൺ ന്യൂനമർദ്ദത്തിന്റെ ഫലമായാണ് വേനൽക്കാലത്ത് ഈ പ്രദേശങ്ങളിൽ മഴയെത്തിയത്. വരും ദിവസങ്ങളിലും ഉച്ചയ്ക്ക് ശേഷം മലയോര മേഖലകളിൽ മഴയ്ക്കും തീരദേശങ്ങളിൽ മൂടൽമഞ്ഞിനും സാധ്യതയുണ്ടെന്ന് ദേശീയ കാലാവസ്ഥാ കേന്ദ്രം (NCM) അറിയിച്ചു.