60
അബുദാബി : റോഡിലെ സുരക്ഷിത ഡ്രൈവിംഗിലൂടെയും ട്രാഫിക് നിയമങ്ങൾ കൃത്യമായി പാലിച്ചും മാതൃകയായ തലാബത് (Talabat) ഡെലിവറി റൈഡറെ അബുദാബി പോലീസ് ആദരിച്ചു. അബുദാബി പോലീസിന്റെ സെൻട്രൽ ഓപ്പറേഷൻസ് സെക്ടർ ഡയറക്ടർ ബ്രിഗേഡിയർ നാസർ സുലൈമാൻ അൽ മുസ്കരിയാണ് റൈഡർക്ക് ആദരവ് സമ്മാനിച്ചത്. തന്റെ ദൈനംദിന ഡെലിവറി ജോലികൾക്കിടയിലും റോഡ് സുരക്ഷാ നിയമങ്ങൾ പൂർണ്ണമായി പാലിക്കാൻ കാണിച്ച അച്ചടക്കവും ഉത്തരവാദിത്തബോധവുമാണ് അദ്ദേഹത്തെ ഈ പുരസ്കാരത്തിന് അർഹനാക്കിയത്. ഇത്തരം മാതൃകാപരമായ പ്രവർത്തനങ്ങൾ സമൂഹത്തിൽ കൂടുതൽ സുരക്ഷിതമായ ഡ്രൈവിംഗ് സംസ്കാരം വളർത്തിയെടുക്കാൻ മറ്റുള്ളവർക്ക് പ്രചോദനമാകുമെന്നും, ട്രാഫിക് നിയമങ്ങൾ അനുസരിക്കുന്ന വ്യക്തികളെ അബുദാബി പോലീസ് എപ്പോഴും പ്രോത്സാഹിപ്പിക്കുമെന്നും അധികൃതർ വ്യക്തമാക്കി.