കുവൈറ്റിലെ ഡ്രോൺ ആക്രമണം: ശക്തമായി അപലപിച്ച് യുഎഇ

അബുദാബി : കുവൈറ്റിലുണ്ടായ തീവ്രവാദി ഡ്രോൺ ആക്രമണങ്ങളെ യുഎഇ വിദേശകാര്യ മന്ത്രാലയം ശക്തമായി അപലപിച്ചു. ഈ പ്രതിസന്ധി ഘട്ടത്തിൽ കുവൈറ്റിന് യുഎഇ പൂർണ്ണ പിന്തുണയും ഐക്യദാർഢ്യവും പ്രഖ്യാപിച്ചു. കുവൈറ്റിന്റെ സുരക്ഷയും സ്ഥിരതയും സംരക്ഷിക്കുന്നതിനായി രാജ്യം സ്വീകരിക്കുന്ന എല്ലാ നടപടികൾക്കും യുഎഇയുടെ ഉറച്ച പിന്തുണയുണ്ടാകുമെന്ന് മന്ത്രാലയം പ്രസ്താവനയിൽ വ്യക്തമാക്കി. മേഖലയുടെ സമാധാനത്തിന് ഭീഷണിയാകുന്ന ഇത്തരം പ്രവർത്തനങ്ങളെ യുഎഇ തള്ളിക്കളയുന്നതായും അധികൃതർ അറിയിച്ചു.