50
ദുബായ് : ദുബായ് ഭരണാധികാരിയുടെ ഇളയ സഹോദരൻ ഷെയ്ഖ് അഹമ്മദ് ബിൻ റാഷിദ് അൽ മക്തൂം അന്തരിച്ചു. തിങ്കളാഴ്ച രാവിലെയായിരുന്നു വിയോഗമെന്ന് ദുബായ് ഭരണാധികാരിയുടെ ഓഫീസ് അറിയിച്ചു. അദ്ദേഹത്തിന്റെ നിര്യാണത്തിൽ ദുബായിൽ 10 ദിവസത്തെ ഔദ്യോഗിക ദുഃഖാചരണം പ്രഖ്യാപിച്ചു. ദുഃഖാചരണത്തിന്റെ ഭാഗമായി തിങ്കളാഴ്ച മുതൽ രാജ്യത്ത് ദേശീയ പതാക താഴ്ത്തിക്കെട്ടും. സഹോദരന്റെ വിയോഗത്തിൽ യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം അനുശോചനം രേഖപ്പെടുത്തി. “എന്റെ സഹോദരാ, അല്ലാഹുവിന്റെ കാരുണ്യം ഉണ്ടാകട്ടെ” എന്ന് അദ്ദേഹം എക്സിൽ കുറിച്ചു. ദുബായ് കിരീടാവകാശി ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമും വിയോഗത്തിൽ അനുശോചനം അറിയിച്ചു.