ദുബായ് : യുഎഇയിലെ പാകിസ്ഥാൻ പ്രവാസികൾക്ക് വ്യാജ വെബ്‌സൈറ്റുകൾക്കെതിരെ ജാഗ്രതാ നിർദ്ദേശവുമായി ദുബായിലെ പാകിസ്ഥാൻ കോൺസുലേറ്റ് ജനറൽ. പാകിസ്ഥാന്റെ നാഷണൽ ഡാറ്റാബേസ് ആൻഡ് രജിസ്‌ട്രേഷൻ അതോറിറ്റിയുടെ (NADRA) പേര് തെറ്റായി ഉപയോഗിച്ച് പ്രവർത്തിക്കുന്ന അനധികൃത വെബ്‌സൈറ്റുകളിൽ വീഴരുതെന്ന് കോൺസുലേറ്റ് പൗരന്മാർക്ക് മുന്നറിയിപ്പ് നൽകി. പ്രവാസി സമൂഹത്തെ ലക്ഷ്യമിട്ടാണ് ഇത്തരം തട്ടിപ്പ് വെബ്‌സൈറ്റുകൾ പ്രവർത്തിക്കുന്നത്.
നാദ്രയുടെ സേവനങ്ങൾ വാഗ്ദാനം ചെയ്യുന്ന ഇത്തരം വ്യാജ വെബ്‌സൈറ്റുകളിൽ വ്യക്തിഗത വിവരങ്ങൾ, പാസ്പോർട്ട് രേഖകൾ, ബയോമെട്രിക് ഡാറ്റ, ബാങ്ക്/പേയ്‌മെന്റ് വിവരങ്ങൾ എന്നിവ യാതൊരു കാരണവശാലും പങ്കുവെക്കരുതെന്ന് പ്രവാസികളോട് ഔദ്യോഗികമായി ആവശ്യപ്പെട്ടു. തിരിച്ചറിയൽ കാർഡുകൾ പുതുക്കുന്നതിനും മറ്റ് ഔദ്യോഗിക ആവശ്യങ്ങൾക്കുമായി നാദ്രയുടെ അംഗീകൃത വെബ്‌സൈറ്റുകളും മൊബൈൽ ആപ്ലിക്കേഷനുകളും മാത്രം ഉപയോഗിക്കണമെന്ന് കോൺസുലേറ്റ് വ്യക്തമാക്കി.
19
previous post