14
ദുബായ് : ചൊവ്വാഴ്ച രാവിലെ ഉണ്ടായ വിവിധ വാഹനാപകടങ്ങളെ തുടർന്ന് ദുബായിലെയും ഷാർജയിലെയും പ്രധാന റോഡുകളിൽ കടുത്ത ഗതാഗതക്കുരുക്ക് രൂപപ്പെട്ടു. റാസ് അൽ ഖോർ റോഡിലെ സബീൽ സെക്കൻഡ് ഏരിയയിലുണ്ടായ അപകടത്തെ തുടർന്ന് ദുബായ് സെൻട്രൽ ഭാഗത്തേക്ക് പോകുന്ന വാഹനങ്ങൾ മണിക്കൂറുകളോളം കുടുങ്ങി. ദുബായ് ലക്ഷ്യമാക്കി നീങ്ങുന്ന അൽ ഇത്തിഹാദ് റോഡിലും കനത്ത തിരക്കാണ് അനുഭവപ്പെടുന്നത്. ഷാർജയിലെ അൽ ബദീഅ് സബർബിന് സമീപം എമിറേറ്റ്സ് റോഡിലുണ്ടായ ഒന്നിലധികം അപകടങ്ങൾ ദുബായിലേക്ക് പോകുന്ന യാത്രക്കാരെ വലച്ചു. കൂടാതെ ഇൻഡസ്ട്രിയൽ ഏരിയ 13-ന് സമീപമുള്ള ഷെയ്ഖ് മുഹമ്മദ് ബിൻ സായിദ് റോഡിലും ഗതാഗതം സ്ലോ ഡൗൺ ആയിട്ടുണ്ട്. ഡ്രൈവിങ്ങിനിടയിൽ മൊബൈൽ ഫോൺ ഉപയോഗിക്കരുതെന്നും കൂടുതൽ യാത്രാസമയം കണക്കാക്കി മുൻകൂട്ടി യാത്ര തിരിക്കണമെന്നും ദുബായ് പോലീസ് നിർദ്ദേശിച്ചു.