അബുദാബി : യുഎഇയിൽ ഔദ്യോഗിക പരിശീലന ദൗത്യത്തിനിടെ എമിറാത്തി സൈനികൻ രക്തസാക്ഷിയായതായി യുഎഇ പ്രതിരോധ മന്ത്രാലയം (Ministry of Defence) അറിയിച്ചു. ജൂൺ 27 ശനിയാഴ്ച രാജ്യത്തിനകത്ത് നടന്ന പരിശീലന പരിപാടികൾക്കിടയിലാണ് ഫസ്റ്റ് കോർപ്പറേഷൻ ഈസ ഗലൂം അൽ ബലൂഷി (Issa Ghaloum Al Baloushi) മരണപ്പെട്ടത്. അപകടത്തെക്കുറിച്ചുള്ള കൂടുതൽ വിവരങ്ങൾ മന്ത്രാലയം പുറത്തുവിട്ടിട്ടില്ല.
ധീരനായ സൈനികന്റെ വിയോഗത്തിൽ പ്രതിരോധ മന്ത്രാലയം ആഴത്തിലുള്ള ദുഃഖവും അനുശോചനവും രേഖപ്പെടുത്തി. വേർപാടിൽ തകർന്ന കുടുംബാംഗങ്ങളോട് ആത്മാർത്ഥമായ സഹതാപം അറിയിച്ച മന്ത്രാലയം, പരേതന്റെ ആത്മാവിന് സർവ്വശക്തനായ ദൈവം വലിയ കാരുണ്യം നൽകട്ടെയെന്ന് പ്രാർത്ഥിക്കുന്നതായും പ്രസ്താവനയിൽ വ്യക്തമാക്കി.
