മെഡിക്കലിനിക് മിഡിൽ ഈസ്റ്റിന് അഞ്ച് ആഗോള പുരസ്കാരങ്ങൾ

ദുബായ് : യുഎഇയിലെ പ്രമുഖ സ്വകാര്യ ആരോഗ്യ പരിപാലന ഗ്രൂപ്പായ മെഡിക്കലിനിക് മിഡിൽ ഈസ്റ്റിന് (Mediclinic Middle East) ദുബായ് ക്വാളിറ്റി ഗ്രൂപ്പിന്റെ അഞ്ച് പ്രമുഖ പുരസ്കാരങ്ങൾ. മികച്ച മെഡിക്കൽ സേവനങ്ങൾ, ആർട്ടിഫിഷ്യൽ ഇന്റലിജൻസ് (AI) സാങ്കേതികവിദ്യയുടെ ഉപയോഗം, സുസ്ഥിര വികസനം (Sustainability) എന്നീ മേഖലകളിലെ മികവിനാണ് അംഗീകാരം ലഭിച്ചത്.
മെഡിക്കലിനിക് പാർക്ക്‌വ്യൂ ഹോസ്പിറ്റൽ, മെഡിക്കലിനിക് വെൽകെയർ ഹോസ്പിറ്റൽ, മെഡിക്കലിനിക് സിറ്റി ഹോസ്പിറ്റൽ എന്നിവയാണ് ഗ്ലോബൽ മെഡിക്കൽ എക്സലൻസ് അവാർഡിന് അർഹമായത്. കൂടാതെ ഗ്രൂപ്പിന്റെ അത്യാധുനിക സാങ്കേതികവിദ്യാ മുന്നേറ്റത്തിന് ഗ്ലോബൽ ആർട്ടിഫിഷ്യൽ ഇന്റലിജൻസ് അവാർഡും, പരിസ്ഥിതി-സാമൂഹിക പ്രതിബദ്ധത മുൻനിർത്തിയുള്ള പ്രവർത്തനങ്ങൾക്ക് ഗ്ലോബൽ സസ്റ്റൈനബിലിറ്റി അവാർഡും ലഭിച്ചു. രോഗികൾക്ക് സുരക്ഷിതവും അന്താരാഷ്ട്ര നിലവാരമുള്ളതുമായ ചികിത്സ ഉറപ്പാക്കുന്നതിൽ മെഡിക്കലിനിക് ടീം കാണിക്കുന്ന പ്രതിബദ്ധതയ്ക്കുള്ള തെളിവാണ് ഈ അംഗീകാരങ്ങളെന്ന് മെഡിക്കലിനിക് മിഡിൽ ഈസ്റ്റ് സിഇഒ ഹെയ്ൻ വാൻ എക്ക് പറഞ്ഞു.