വെനിസ്വേല ഭൂകമ്പം: 10 ദശലക്ഷം ഡോളർ സഹായം പ്രഖ്യാപിച്ച് യുഎഇ

അബുദാബി : ശക്തമായ ഇരട്ട ഭൂകമ്പം കടുത്ത നാശം വിതച്ച വെനിസ്വേലയ്ക്ക് യുഎഇ 10 ദശലക്ഷം ഡോളറിന്റെ അടിയന്തര ആശ്വാസ ധനസഹായം പ്രഖ്യാപിച്ചു. യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാന്റെ നിർദേശപ്രകാരം യുഎഇ എയ്ഡ് ഏജൻസി വഴിയാണ് സഹായം എത്തിക്കുക. ദുരന്തബാധിതർക്ക് ആവശ്യമായ ഭക്ഷണം, മരുന്നുകൾ, താൽക്കാലിക പാർപ്പിടങ്ങൾ എന്നിവ എത്തിക്കാൻ ഈ തുക വിനിയോഗിക്കും. റിച്ചർ സ്കെയിലിൽ 7.2, 7.5 തീവ്രത രേഖപ്പെടുത്തിയ ഭൂകമ്പത്തിൽ വെനിസ്വേലയിൽ കനത്ത നാശനഷ്ടങ്ങളാണ് റിപ്പോർട്ട് ചെയ്തിരിക്കുന്നത്.