4
അബുദാബി : പ്രമുഖ നിർമ്മാണ സാമഗ്ര വിതരണ കമ്പനിയായ അബുദാബി നാഷണൽ കമ്പനി ഫോർ ബിൽഡിംഗ് മെറ്റീരിയൽസിനെതിരെ (BILDCO) സമർപ്പിക്കപ്പെട്ട 3.3 കോടി (33 മില്യൺ) ദിർഹത്തിന്റെ നഷ്ടപരിഹാരക്കേസ് അബുദാബി കൊമേഴ്സ്യൽ കോടതി തള്ളി. കേസിൽ ആവശ്യമായ നിയമപരമായ തെളിവുകളോ അടിസ്ഥാനങ്ങളോ ഇല്ലെന്ന് കണ്ടെത്തിയതിനെ തുടർന്നാണ് നടപടി.
പരാതിക്കാരനായ വ്യവസായിയിൽ നിന്ന് കേസിന്റെ ചെലവുകളും അഭിഭാഷക ഫീസും ഈടാക്കാനും കോടതി ഉത്തരവിട്ടു. കോടതി വിധി തങ്ങളുടെ സാമ്പത്തിക സ്ഥിതിയെ ബാധിക്കില്ലെന്നും കമ്പനിയുടെ നിയമപരമായ നിലപാടുകൾ ശരിവെക്കുന്നതാണെന്നും അബുദാബി സെക്യൂരിറ്റീസ് എക്സ്ചേഞ്ചിൽ (ADX) നൽകിയ വിശദീകരണത്തിൽ ബിൾഡ്കോ വ്യക്തമാക്കി.