ചുവടുമാറ്റി ഗൾഫിലെ ഇന്ത്യൻ സമ്പന്നർ; നിക്ഷേപങ്ങൾ ഇനി ആഗോള തലത്തിലേക്ക്

ദുബൈ : ഗൾഫ് രാജ്യങ്ങളിലെ ധനികരായ പ്രവാസി ഇന്ത്യക്കാർ തങ്ങളുടെ നിക്ഷേപ ശീലങ്ങളിൽ വൻ തോതിലുള്ള മാറ്റത്തിന് തുടക്കമിടുന്നു. പരമ്പരാഗതമായി കുടുംബ ബിസിനസുകളിലും റിയൽ എസ്റ്റേറ്റിലും കേന്ദ്രീകരിച്ചിരുന്ന തുക പിൻവലിച്ച് ആഗോള വിപണിയിലെ ലിക്വിഡ് അസറ്റുകളിലേക്കും പ്രൈവറ്റ് ഇക്വിറ്റിയിലേക്കും രാജ്യാന്തര വിപണികളിലേക്കും മാറ്റുകയാണ് ഇവർ. പ്രവാസി കുടുംബങ്ങളിലെ പുതിയ തലമുറ ബിസിനസ് നിയന്ത്രണങ്ങൾ ഏറ്റെടുക്കുന്നതാണ് ഈ ട്രെൻഡിന് വേഗം കൂട്ടുന്നത്. ഇന്ത്യയിലെ ഇക്വിറ്റി, ഐപിഒ, പ്രൈവറ്റ് ഇക്വിറ്റി മേഖലകളിലും നിക്ഷേപ സാധ്യതകൾ സജീവമാണെങ്കിലും, ആസ്തികൾ ആഗോളതലത്തിൽ വികേന്ദ്രീകരിച്ച് നിക്ഷേപിക്കാനാണ് പ്രവാസികൾ ഇപ്പോൾ കൂടുതൽ മുൻഗണന നൽകുന്നത്.