അബുദാബി : യുണൈറ്റഡ് സ്റ്റേറ്റ്സും ഇറാനും തമ്മിലുള്ള പുതിയ ധാരണകളെത്തുടർന്ന് മേഖലയിലുണ്ടായ മാറ്റങ്ങൾ യുഎഇയെ കൂടുതൽ ശക്തവും സുരക്ഷിതവുമാക്കിയെന്ന് യുഎഇ പ്രസിഡന്റിന്റെ നയതന്ത്ര ഉപദേശകൻ ഡോ. അൻവർ ഗർഗാഷ്. സമാധാനപരമായ ചർച്ചകളിലൂടെയും നയതന്ത്ര ഇടപെടലുകളിലൂടെയും യുദ്ധസാഹചര്യങ്ങൾ ഒഴിവാക്കാൻ യുഎഇക്ക് സാധിച്ചതായി അദ്ദേഹം വ്യക്തമാക്കി.
മേഖലയിലെ സമാധാനത്തിനും പരമാധികാരത്തിനും മുൻഗണന നൽകുന്നതിനൊപ്പം ഹോർമുസ് കടലിടുക്ക് വഴിയുള്ള അന്താരാഷ്ട്ര കപ്പൽ ഗതാഗത സുരക്ഷ ഉറപ്പാക്കാനും യുഎഇ ശക്തമായി നിലകൊണ്ടു. യുഎസും ടെഹ്റാനും തമ്മിലുള്ള പുതിയ നീക്കങ്ങൾ മേഖലയിലെ സംഘർഷങ്ങൾ കുറയ്ക്കാൻ സഹായിക്കുമെന്നും, വികസനത്തിലും സ്ഥിരതയിലും യുഎഇ മുൻപന്തിയിൽ തുടരുമെന്നും അദ്ദേഹം എക്സിൽ കുറിച്ചു.
