4
അബുദാബി : ഔദ്യോഗിക സന്ദർശനത്തിനായി അബുദാബി കിരീടാവകാശി ഷെയ്ഖ് ഖാലിദ് ബിൻ മുഹമ്മദ് ബിൻ സായിദ് അൽ നഹ്യാൻ ജോർദാനിലെ അഖബയിൽ എത്തി. അഖബ-അൽ-ഷിദിയ-മാൻ റെയിൽവേ പദ്ധതിയുടെ ശിലാസ്ഥാപന ചടങ്ങിൽ പങ്കെടുക്കുന്നതിനായാണ് അദ്ദേഹത്തിന്റെ ഈ സന്ദർശനം.
കിംഗ് ഹുസൈൻ അന്താരാഷ്ട്ര വിമാനത്താവളത്തിൽ എത്തിയ ഷെയ്ഖ് ഖാലിദിനെ ജോർദാൻ രാജാവ് അബ്ദുള്ള രണ്ടാമൻ ബിൻ അൽ ഹുസൈനും മുതിർന്ന ഉദ്യോഗസ്ഥരും ചേർന്ന് ഊഷ്മളമായി സ്വീകരിച്ചു. ജോർദാൻ വ്യോമാതിർത്തിയിലേക്ക് പ്രവേശിച്ച അദ്ദേഹത്തിന്റെ വിമാനത്തെ റോയൽ ജോർദാനിയൻ എയർഫോഴ്സിന്റെ യുദ്ധവിമാനങ്ങൾ അകമ്പടി സേവിച്ചാണ് സ്വീകരിച്ചത്.