ഭൂകമ്പ ദുരിതം പേറുന്ന കൊളംബിയയ്ക്ക് താങ്ങായി യുഎഇ

ദുബായ് : ഓഗസ്റ്റ് 10ന് കൊളംബിയയിലുണ്ടായ ഭൂകമ്പത്തെ തുടർന്ന് യുഎഇ ഭരണകൂടം നൽകിയ മാനുഷിക സഹായം രാജ്യത്ത് എത്തിച്ചേർന്നു. യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ പ്രഖ്യാപിച്ച 10 ദശലക്ഷം ഡോളറിന്റെ അടിയന്തര സഹായത്തിന്റെ ഭാഗമായാണ് ഈ സഹായം എത്തിച്ചിരിക്കുന്നത്. കൊളംബിയൻ അധികൃതരുടെ ആവശ്യപ്രകാരം തെരഞ്ഞെടുത്ത ഭക്ഷണസാധനങ്ങൾ, ശുചീകരണ ഉൽപ്പന്നങ്ങൾ എന്നിവയാണ് പരാഗ്വെ വിപണിയിൽ നിന്നും സംഭരിച്ച് കൊളംബിയയിൽ എത്തിച്ചത്. ദുരന്തബാധിതരായ ജനങ്ങൾക്ക് എല്ലാവിധ പിന്തുണയും നൽകുമെന്ന് യുഎഇ എയ്ഡ് ഏജൻസി ചെയർമാൻ ഡോ. താരിഖ് അൽ അമീരി വ്യക്തമാക്കി. പ്രതിസന്ധി ഘട്ടത്തിൽ യുഎഇ നൽകിയ പിന്തുണയ്ക്ക് കൊളംബിയൻ വിദേശകാര്യ മന്ത്രി ഒമർ ബുല നന്ദി രേഖപ്പെടുത്തി.