ദുബൈയിൽ സ്വർണവില കുറഞ്ഞു; 24 കാരറ്റ് ഗ്രാമിന് 496.25 ദിർഹമായി

ദുബായ് : കഴിഞ്ഞ ദിവസം ഉയർന്ന നിരക്കിലേക്ക് കുതിച്ച ദുബൈയിലെ സ്വർണവിലയിൽ കുറവ് രേഖപ്പെടുത്തി. 24 കാരറ്റ് സ്വർണത്തിന്റെ വില ഗ്രാമിന് 500 ദിർഹത്തിന് താഴെയെത്തി. വ്യാഴാഴ്ച രാവിലെ 24 കാരറ്റ് സ്വർണത്തിന് 4.50 ദിർഹം കുറഞ്ഞ് ഗ്രാമിന് 496.25 ദിർഹത്തിലാണ് വ്യാപാരം നടക്കുന്നത്. 22 കാരറ്റ് സ്വർണത്തിന്റെ വിലയിൽ 4 ദിർഹം കുറഞ്ഞ് ഗ്രാമിന് 459.75 ദിർഹമായി. ബുധനാഴ്ച 24 കാരറ്റ് സ്വർണത്തിന് 8.75 ദിർഹവും 22 കാരറ്റിന് 8.25 ദിർഹവും വർധിച്ചിരുന്നു. ആഗോള വിപണിയിലെ മാറ്റങ്ങളും ക്രൂഡ് ഓയിൽ വില വർധനയുമാണ് പ്രാദേശിക വിപണിയിലും പ്രതിഫലിച്ചത്.