അബുദാബി : ഇത്തിഹാദ് റെയിൽ പാസഞ്ചർ സർവീസുകളിൽ യാത്ര ചെയ്യുന്നവർക്ക് ടിക്കറ്റ് ഏതുമാകട്ടെ, രണ്ട് ബാഗുകൾ വരെ തികച്ചും സൗജന്യമായി കൊണ്ടുപോകാമെന്ന് അധികൃതർ അറിയിച്ചു. മുതിർന്നവർക്കും മൂന്ന് വയസ്സിന് മുകളിലുള്ള കുട്ടികൾക്കുമാണ് ഈ ആനുകൂല്യം ലഭിക്കുക. സുരക്ഷാ കാരണങ്ങളാൽ ബാഗുകൾ യാത്രാ പാതകളിലോ എമർജൻസി എക്സിറ്റുകൾക്ക് സമീപത്തോ വെക്കാൻ പാടില്ല. നിശ്ചിത അളവിലുള്ള കാരിയറുകളിൽ വളർത്തുമൃഗങ്ങളെയും പക്ഷികളെയും ഒപ്പം കൂട്ടാം.
യാത്രക്കാർക്കായി ട്രെയിനുകളിൽ സൗജന്യ വൈ-ഫൈ, ചാർജിംഗ് പോയിന്റുകൾ, ലഘുഭക്ഷണങ്ങൾ എന്നിവയും ഒരുക്കിയിട്ടുണ്ട്. ഭിന്നശേഷിക്കാർക്കായി സ്റ്റേഷനുകളിലും ട്രെയിനുകളിലും വിപുലമായ സൌകര്യങ്ങളുണ്ട്. അബുദാബിയിലെ സ്റ്റേഷനിലേക്ക് കണക്റ്റിവിറ്റി കൂട്ടാൻ പ്രത്യേക ഷട്ടിൽ ബസ് സർവീസുകളും ഇത്തിഹാദ് റെയിൽ ഏർപ്പെടുത്തിയിട്ടുണ്ട്. ഔദ്യോഗികമായി സർവീസ് ആരംഭിക്കുന്നതിന് മുൻപ് തന്നെ പതിനായിരത്തിലധികം ടിക്കറ്റുകളാണ് വിറ്റഴിഞ്ഞത്.