57
ദുബൈ : മൗറീഷ്യസിൽ നിന്ന് ദുബൈയിൽ അവധിക്കാലം ആഘോഷിക്കാനെത്തിയ 18 വയസ്സുകാരി ജന്മദിനത്തിൽ തന്നെ ജെറ്റ് സ്കീ അപകടത്തിൽ മുങ്ങിമരിച്ചു. ഒപ്പമുണ്ടായിരുന്ന 17 വയസ്സുകാരിയായ ബന്ധു ഗുരുതര പരിക്കുകളോടെ അത്ഭുതകരമായി രക്ഷപ്പെട്ടു. ജെറ്റ് സ്കീ ഓടിക്കുന്നതിനിടെ നിയന്ത്രണം വിട്ട് കടൽഭിത്തിയിലെ പാറക്കെട്ടുകളിലേക്ക് ഇടിച്ചുകയറിയായിരുന്നു അപകടം. ഗുരുതരമായി പരിക്കേറ്റ പെൺകുട്ടിയെ ദുബൈ പോലീസിന്റെ മറൈൻ റെസ്ക്യൂ ടീം അതിവേഗം ആശുപത്രിയിലെത്തിച്ച് മാസങ്ങൾ നീണ്ട ചികിത്സയിലൂടെ ജീവിതത്തിലേക്ക് തിരികെക്കൊണ്ടുവന്നു. വിദേശികളായ ഈ കുടുംബത്തിന് ആവശ്യമായ എല്ലാ സഹായങ്ങളും ദുബൈ പോലീസിന്റെ വിക്ടിം സപ്പോർട്ട് വിഭാഗം നൽകി.