28
ദുബൈ : വ്യാഴാഴ്ച രാവിലെ തിരക്കേറിയ സമയങ്ങളിൽ ദുബൈയിലെയും ഷാർജയിലെയും പ്രധാന ഹൈവേകളിൽ കനത്ത ഗതാഗതക്കുരുക്ക് അനുഭവപ്പെട്ടു. ഷാർജയിൽ നിന്നുള്ള E311 (മുഹമ്മദ് ബിൻ സായിദ് റോഡ്), ഇമിറേറ്റ്സ് റോഡ് എന്നിവടങ്ങളിൽ ഇൻഡസ്ട്രിയൽ ഏരിയ 6, യൂണിവേഴ്സിറ്റി സിറ്റി പരിസരങ്ങളിലും, ദുബൈയിലെ E44 (അൽ ഐൻ റോഡ്), റാസ് അൽ ഖോർ മേഖലകളിലും വാഹനങ്ങൾ മണിക്കൂറുകളോളം കുടുങ്ങി. ദുബൈ എയർപോർട്ട് പരിസരത്തും ഗർഹൂദിലും ഗതാഗതം സ്ലോ ആണെന്നും യാത്രക്കാർ കൂടുതൽ സമയമെടുത്ത് ബദൽ റൂട്ടുകൾ ഉപയോഗിക്കണമെന്നും അധികൃതർ നിർദ്ദേശിച്ചു.