യാത്രക്കാരുടെ എണ്ണത്തിൽ റെക്കോർഡ് നേട്ടവുമായി ഷാർജ ടാക്സി;2025-ൽ ലക്ഷ്യസ്ഥാനത്തെത്തിച്ചത് 93 ലക്ഷം പേരെ

2025-ൽ യാത്രക്കാരുടെ എണ്ണത്തിൽ റെക്കോർഡ് വളർച്ച രേഖപ്പെടുത്തി ഷാർജ ടാക്സി. കഴിഞ്ഞ വർഷം മാത്രം 93.1 ലക്ഷം (9.31 ദശലക്ഷം) യാത്രക്കാരെ ഷാർജ ടാക്സി സുരക്ഷിതമായി ലക്ഷ്യസ്ഥാനങ്ങളിൽ എത്തിച്ചു. 2024-നെ അപേക്ഷിച്ച് യാത്രക്കാരുടെ എണ്ണത്തിൽ 25 ശതമാനം വർധനയാണ് ഉണ്ടായതെന്ന് അധികൃതർ വ്യക്തമാക്കി.
സ്മാർട്ട് സംവിധാനങ്ങളുടെ ഏകോപനവും മികച്ച സേവനവുമാണ് ഈ നേട്ടത്തിന് പിന്നിലെന്ന് ഷാർജ ടാക്സി അറിയിച്ചു. ‘യാംഗോ’ (Yango) സ്മാർട്ട് ആപ്ലിക്കേഷൻ വഴി മാത്രം 9.17 ലക്ഷം പേർ യാത്രകൾ ബുക്ക് ചെയ്തു. കൂടാതെ കിഴക്കൻ, മധ്യ മേഖലകളിലായി 7.6 ലക്ഷം യാത്രക്കാർക്കും സേവനം നൽകി.